Anjan K Behera,
Research Scholar Department of English – Nagaland University
Education laga hosa morom moi jaane, Candle dhuri kina kitaab pura moi buje. School jai kina ekta bi teacher na thakia, Aru ghor jaa time te pani te khila, Inika hi childhood thakishe ami laga. Dangor hoishe, metric pass kurishe, Aru baba bank te loan mangia dikhishe. Ama ke moi karne prayer kuria hunishe. College seat paishe, jawole time ahishe, Hoilebi packing kura time te aru light jaishe. March 5th lynching huishe, manu murishe. Elections te reservations karne hala huishe. Solution before Election mangishe, Hoilebi syllabus te League of Nations hi thakishe. Alag desh laga kissa hikina exam dishe. Students union te bi join kurishe, Meetings khan sob attend kurishe. Inter-college fest laga debate join kurishe, Best student award bi paishe; Hoilebi Nagaland same hi thakishe. Pass huishe, ek baar hi backlog dishe. NPSC dishe, job paishe. Bhal na? Office assistant, din bhor buhi thake, Raati te mudu khaina humaijae. Ki kuwo, jibon fairy tale kitiya bi nohoi.
